ज्ञानेन्द्र शाहको चेतावनीः जनताले प्रगति र विकास नपाए परिवर्तनकर्ताहरु आफैं अप्ठ्यारोमा पर्छन्

ज्ञानेन्द्र शाहको चेतावनीः जनताले प्रगति र विकास नपाए परिवर्तनकर्ताहरु आफैं अप्ठ्यारोमा पर्छन्

काठमाडौ, १२ कात्तिक । पूर्वराजा ज्ञानेन्द्र शाहले कुनै पनि परिवर्तनपछि प्रगति र विकास महत्वपूर्ण हुने भन्दै उनले सर्वसाधारणले सजिलोसँग त्यो अनुभव गर्न नपाए परिवर्तनकर्ताहरु आफैं अप्ठ्यारोमा पर्ने बताएका छन् ।

बहिनी शोभा राज्यलक्ष्मी शाहको हातबाट टीका र प्रसाद ग्रहण गरेपछि मंगलबार संचारकर्मीहरुसँग कुरा गर्दै पूर्वराजा शाहले परिवर्तनकर्ताहरुले प्रगति र विकासको कुरालाई मनन गरेनन् भने परिवर्तनको कुनै अर्थ नहुने पनि बताए ।

जुनसुकै परिवर्तन हुँदा दुईटा महत्वपूर्ण कुरा हुुनुपर्छ, एउटा प्रगति अर्को विकास,’ पूर्वराजा शाहले भने, ‘यी दुईटा कुरालाई मनन् गरेनन् र बुझेनन् भने परिवर्तनको अर्थ हुँदैन, र परिवर्तनकर्ताहरुलाई अप्ठ्यारो पर्न सक्छ ।’

भाइटीकाको दिन कसैको कुरा काटने वा खुट्टा तान्ने दिन नभएको उल्लेख गर्दै उनले धन हुनेलाई मन र मन हुनेलाई नेपालीपन पाओस् भनि शुभकामना पनि व्यक्त गरेका छन् ।