राहुल हुन कि मोदी, सरकार बनाउन आउते जरूरी

 राहुल हुन कि मोदी, सरकार बनाउन आउते जरूरी

भारतको १७ औं लोकसभा निर्वाचन शुरू हुन गइरहेका बेला आगामी निर्वाचनमा कसैको स्पस्ट बहुमत हुन नसक्ने सम्भावनालाई नकार्न सकिन्न । यस्तोमा सरकार बनाउन राहुल हुन कि मोदी जो सुकैलाई सरकार बनाउन तीन प्रान्तका आन्ध्रा, उडिसा र तेलाङ्गानाका तीन नेताको आवश्यकता हुने विश्लेषण गरिदैंछ । वाइएसआर कंग्रेस पार्टीका नेता वाइएस जगनमोहन रेड्डीको पनि कसैको बहुमत नआए बन्ने त्रिंशकु सरकारको चाहना रहेको छ ।

अर्का नेता तेलाङ्गना राष्ट्र समितिका नेता चन्द्रशेखर राव हुन् । त्रिशंकु संसदका बेला सर्वाधिक शक्तिशाली तीन राजनीतिक दलका नेताहरूमा तेस्रो नविन पटनायकको नेतृत्वमा रहेको बिजु जनता दल उडिसाको रहेको छ ।

यी तीनै नेता न कांग्रेस नेता राहुलको समूहमा छन् न त प्रधानमन्त्री नरेन्द्र मोदी नेतृत्वको गठबन्धनमा छन् । ११ अप्रिल देखि १९ सम्म ७ चरणको चुनाव हुनेछ । आन्ध्र प्रदेशमा विधान सभाको चुनाव पनि हुन गइरहेको छ ।

भारतको आगामी सरकारका लागि समूह बाहिर बसेका रेड्डी, राव र पटनायकको महत्व कम्तीमा दुई कारणले महत्वपूर्ण हुनेछ ।

आन्ध्रा , तेलाङ्गना र उडिसा गरी तीनै नेताको क्षेत्राधिकारभित्र लोकसभाका ६३ सदस्य रहेको छ । आन्ध्रमा २५,रेड्डी, तेलाङ्गनामा रावका १७ र उडिसामा २१ लोकसभा सदस्य छन् । जसमध्ये सन् २०१४को निर्वाचनको आँकडालाई हेर्ने हो भने यी तीनै दलका नेताहरूको नियन्त्रणमा ४० सीट रहेको छ । 

वाइएसआरसीपीसँग ९, टीआरएससँग ११ र बीजेडीसँग २० सिट रहेका छन् । ५४५ सदस्य भएको लोकसभामा कसैको स्पस्ट बहुमत नभएका बेला यी तीन नेताको तागत बलियो हुने स्पस्ट छ । दोस्रो विषय भनेको यी तीनै नेता अलि भिन्नै प्रकारका नेता छन् । यी तीनै नेताले निर्वाचनको अन्तिम नतिजा सुनिश्चित भएका बेला मात्र समर्थन मोदी वा राहुल कसलाई गर्ने निर्णय गर्ने अवस्थामा रहेको देखिएको छ । विगतमा कांग्रेससँगको अमिलो सम्बन्धको अनुभव गरेका रेड्डीले जुनसुकै पार्टीलाई समर्थन गर्ने खुला अवस्थामा आफू रहेको एक अन्तर्वार्तामा जनाए ।

१९ वर्ष मुख्य मन्त्री रहेका उडिसाका पटनायकको सम्बन्ध सन् २००९सम्म भाजपासँग रहेको थियो । तर उनले राष्ट्रपतिको निर्वाचनमा पटनायकले कांग्रेस समर्थित गोपाकृष्ण गान्धीलाई समर्थन गर्न पुगेका थिए ।

त्यसैगरी राव पनि मोदीसँग असन्तुष्ट रहेका छन् । त्यसैले संघीय सरकारमा राहुल मोदीमध्ये जो सरकार बनाउने अवस्थामा पुग्लान र सिटको खाँचो भए यी तीन पार्टी बलियो अवस्थामा हुने देखिएको छ ।

२०७५ साल चैत्र २४ गते