newsone

सिण्डिकेट फर्काउने कुरा अब सम्भव छैन: गृहमन्त्री

newstwo सिण्डिकेट फर्काउने कुरा अब सम्भव छैन: गृहमन्त्री

    काठमाडौँ, २७ असार । गृहमन्त्री रामबहादुर थापा‘बादल’ले यातायात क्षेत्रमा सिण्डिकेट फर्काउने कुरा अब सम्भव नरहेको स्पष्ट पार्नुभएको छ ।
    
आज नयाँ बसपार्क गंगबुमा युनाइटेडड ट्रान्सपोर्ट भलाइ एण्ड इन्भेस्टमेन्ट प्रा.लि.ले आयोजना गरेको ‘यातायात क्षेत्रको विद्यमान अनयौलत, चुनौती र समाधान’ विषयक अन्तरक्रिया कार्यक्रममा गृहमन्त्री थापाले अझै सिण्डिकेट फर्काउने प्रयास भइरहेको भन्दै त्यो पूरा नहुने बताउनुभयो ।

    उहाँले भन्नुभयो, ‘अहिले पनि केही मुठिभर व्यवसायीको मात्रै एकाधिकार हुने, उनीहरुको समृद्धि हुने, यो क्षेमा आउन खोजेका हजारौँ नयाँ व्यवसायीको बाटो रोक्ने गरी सिण्डिकेटलाई फर्काउने षड्यन्त्र भइरहेको छ । यसबारे सरकार सचेत छ ।’
    
यातायात मात्रै नभई कृषी , शिक्षा, स्वास्थ्य लगायतका क्षेत्रमा सिण्डिकेटले जरा गाडेको भन्दै देश विकासका लागि यो बाधक रहेको गृहमन्त्री थापाको भनाइ छ ।
    
उहाँले भन्नुभयो, ‘सिण्डिकेट रहेसम्म देशको विकास र समृद्धि सम्भव छैन । जनतालाई समृद्ध बनाउने जुन प्रतिवद्धता गरेका छौं । त्यो पूरा हुन सक्दैन । ’
    
सिण्डिकेट हटाउने निर्णय यातायात व्यवसायी, मजदुर, यात्रु सबैका हितमा रहेको भन्दै सबैको सहयोगका लागि उहाँले अपिल गर्नुृभयो ।

newsthree

प्रतिकृया दिनुहोस्

newsfour
newsfive