newsone

पेनाल्टी मिस गर्ने कोलम्बियन खेलाडीहरुलाई ज्यान मार्ने धम्की

newstwo पेनाल्टी मिस गर्ने कोलम्बियन खेलाडीहरुलाई ज्यान मार्ने धम्की

१ असार, काठमाडौं । मगंलबार राति इंग्ल्याण्डविरुद्धको खेलमा पेनाल्टीमा चुकेका कोलम्बियाका दुई खेलाडीहरुलाई समर्थकहरुले सामाजिक सञ्जालमा अश्लील गालीगलौज गर्दै ज्यान मार्ने धम्की दिएका छन् ।

विश्वकपको नकआउट चरणको खेलमा इंग्ल्याण्डविरुद्धको नाटकीय पेनाल्टीमा गोल गर्न चुकेका कोलम्बियाका माटेस उरिबे र कार्लोस बाक्कालाई उग्र समर्थकहरुले अपमानजनक सन्देशसहित घर नफर्किन चेतावनी दिएका हुन् । सामाजिक सञ्जालबाट दिइएका यस्ता धम्कीपछि ती खेलाडीहरु त्रसित बनेका छन् । उरिबेको पेनाल्टी क्रसबारमा लागेर बाहिरिएको थियो भने बाक्काको प्रयास इंग्ल्याण्डको जीतमा नायक बनेका गोलकिपर जोर्डन पिकफोर्डले विफल बनाइदिएका थिए ।

सामाजिक सञ्जालमा पोस्ट भएका धेरैजसो धम्की बाक्कालाई लक्षित गरिएको छ । ती उग्र समर्थकहरुका अनुसार बाक्काको पेनाल्टी कामै नलाग्ने थियो ।

सामाजिक सञ्जालमा उनीहरुलाई देश नफर्किन चेतावनी दिँदै बरु रुसमै आत्महत्या गर्न भनिएको छ ।जापानविरुद्धको पहिलो खेलमा गम्भीर गल्ती गर्दै तीन मिनेटमै बाहिरिएका कार्लोस साञ्चेजलाई पनि यस्तै धम्की दिइएपछि प्रहरीले छानबीन गरिरहँदा बाक्का र उरिबेमाथि पनि यस्तो धम्की आएको हो ।

धेरै उग्रसमर्थकहरुले बाक्का र उरिबेलाई आन्द्रेस इस्कोबारको हत्याको भएको २४ वर्षपछि उनीहरुलाई पनि त्यसरी नै हत्या गर्न चाहेको लेखेका छन् ।

सन् १९९४ को विश्वकपमा समूह चरणको दोस्रो खेलमा इस्कोबारले अमेरिकी मिडफिल्डर जोन हाक्र्सको क्रसलाई ब्लक गर्नेक्रममा बल डिफ्लेक्ट भएर आत्मघाती गोल भएपछि कोलम्बिया २–१ को हार बेहोर्दै विश्वकपबाट बाहिरिएको थियो ।

आत्मघाती गोल गरेर कोलम्बियालाई विश्वकपबाट हराएको भन्दै विश्वकपबाट बाहिरिएको पाँच दिनपछि मेडेलिनमा उनीमाथि गोली हानी हत्या गरिएको थियो ।

उग्र समर्थकहरुले गालीगलौजसहित धम्कीपूर्ण सन्देश पोस्ट गरेकोमा केही समर्थकहरुले भने आपत्ति जनाउँदै खेलाडीहरुलाई त्यस्तो भन्न नहुने पनि लेखेका छन् ।

ब्रायान साञ्चेजले लेखेका छन्, ‘बाक्का र उरिबेको मृत्युको कामना नगरौं । के हामी आन्द्रेस इस्कोबारको जस्तै घटना दोहोरियोस् भन्ने चाहन्छौं, के कोलम्बिया यहि हो? खेलमा जीतहार त भैहाल्छ, तर हामी एक वास्तविक देश हौं ।’

newsthree

प्रतिकृया दिनुहोस्

newsfour
newsfive